Gwamnatin Tarayya ta sake duba kudin ciyarwar makarantu inda ta kara N30 kan kowanne abincin dalibi.

 




Gwamnatin Tarayya ta sake duba kudin ciyarwar makarantu inda ta kara N30 kan kowanne abincin dalibi.


Gwamnatin tarayya ta sake sabunta shirin ciyar da daliban makarantu a gida daga Naira 70 kan kowane abinci ga yaran makaranta zuwa N100 a jihar Delta.


Kwamishinan agajin jin kai da taimakon al’umma na jihar, Dr Darlington Ijeh ne ya bayyana hakan a ranar Alhamis, 17 ga watan Nuwamba.


Ya ce:


“Bayan shigata ofis watanni uku da suka gabata, na gaji batutuwan da suka shafi NHGSFP wadanda suka hada da rashin daidaiton biyan kuɗi, rashin ɗaukar nauyi wanda ke haifar da ƙarancin ƙima ga masu dafa abinci, wanda ya yi illa ga ɗalibanmu da jihar.


“A yau, an sake duba Naira 70 ga kowane abinci ga daliban makaranta zuwa N100 kan kowace abinci, da kuma wasu kura-kurai na ofis da suka kawo cikas ga shirin ciyar da makarantu na gida-gida na kasa a jihar, kamar biyan masu abinci da tsarin biyan kudi ba tare da nuna bambanci ba a abin da ya gabata".


Kwamishinan wanda ya bayyana cewa an tsara shirin ciyar da daliban ne daga na aji 1 zuwa aji 3 a makarantun gwamnati, ya kara da cewa, manufar ita ce karfafa gwiwar shiga makarantu tare da inganta abinci mai gina jiki ga daliban.


SOURCE 👉Rahama Tv on Facebook. 

0/Post a Comment/Comments